मुंबई महानगर क्षेत्रातील पूर्व उप-प्रदेशातील स्थानिक स्वराज्य संस्थाच्या पिण्याच्या व औद्योगिक वापराच्या पाणी पुरवठ्यासाठी मुंबई महानगर प्रदेश विकास प्राधिकरणातर्फे काळू पाणी पुरवठा प्रकल्प राबविण्याचे हाती घेतले असून त्यातील धरण बांधकाम कोंकण पाटबंधारे विकास महामंडळ यांच्यातर्फे करण्यात येत आहे. धरणातून 1140 द.ल.लि. प्रतिदिन पाणीसाठा उपलब्ध होणार असून तो पूर्व उप-प्रदेशातील ठाणे, भिवंडी, कल्याण – डोंबिवली, अंबरनाथ, कुळगांव-बदलापूर, या महानगरपालिका/नगरपरिषद व याच परिसरातील ग्रामीण भागाच्या पाणी पुरवठ्यात सुधारणा करण्यासाठी वापरण्यात येणार आहे.