ठाणे शहरातील पूर्व द्रुतगती महामार्गावरील आनंद नगर ते साकेत या उन्नत रस्त्याचे बांधकाम करणे.

प्रकल्पाचे नाव : ठाणे शहरातील पूर्व द्रुतगती महामार्गावरील आनंद नगर ते साकेत या उन्नत रस्त्याचे बांधकाम करणे.

प्रकल्पाची माहिती :

• मुंबई महानगर प्रदेश विकास प्राधिकरणाच्या दि. 05/03/2024 रोजी झालेल्या 156व्या बैठकीत पूर्व द्रुतगती महामार्गावरील आनंद नगर ते साकेत या प्रकल्पाच्या प्रस्तावास व यास अपेक्षित रु. 2188.62 कोटी इतक्या अंदाजपत्रकीय रक्कमेस प्रशासकीय मान्यता देण्यात आली.
• प्रकल्पाची लांबी 8.24 किमी आहे. सदर विस्तारीत प्रकल्प हा 6 पदरी (3+3 पदरी) आहे.
• ठाणे शहरामधून पूर्व द्रुतगती महामार्ग जात असून या महामार्गावर ठाणे शहरातील तसेच शहराबाहेर प्रवास करणाऱ्या वाहनांची मोठ्या प्रमाणात वर्दळ असते. त्यामुळे या महामार्गावर मोठ्या प्रमाणात वाहतूक कोंडी होते.
• ठाण्यातील पूर्व द्रुतगती महामार्गावर तीन हात नाका, नितीन जंक्शन, कॅडबरी जंक्शन, गोल्डन डाईज जंक्शन (माजिवाडा) ही महत्त्वाची जंक्शन्स आहेत.तीन हात नाका जंक्शन येथे 6 पदरी उड्डाणपूल, नितीन आणि कॅडबरी जंक्शन येथे कॅडबरी उड्डाणपूल, तर माजिवाडा जंक्शनवर गोल्डन डाईज उड्डाणपूल आहेत.मुंबईहून ये-जा होणारी प्रचंड वाहतूक आणि माजिवाडा जंक्शनमुळे मोठ्या प्रमाणात रहदारी वाढल्यामुळे ठाण्यातील पूर्व द्रुतगती महामार्गावर वारंवार वाहतूक कोंडी होते.यामुळे पूर्व द्रुतगती महामार्ग व ठाणे शहरातील वाहतूक कोंडी कमी करण्यासाठी प्राधिकरणामार्फत आनंदनगर ते साकेत उन्नत रस्त्याचा प्रकल्प हाती घेण्यात आला आहे.
• मे. जे.कुमार इन्फ्राप्रोजेक्ट्स लि. यांची कंत्राटदार म्हणून नियुक्ती दि. 11/10/2024 रोजी करण्यात आली आहे.
• मे. निप्पॉन कोई इंडिया प्रा. लि. जेव्ही प्रभावी दि. 18/12/2024 रोजी यांची संयुक्त भागीदारीत प्रकल्प व्यवस्थापन सल्लागार (PMC) म्हणून नियुक्ती करण्यात आली आहे.
• सदर प्रकल्पासाठी पॉवर फायनान्स कॉर्पोरेशन लिमिटेड मार्फत वित्तपुरवठा करण्यात येत आहे.
• प्रकल्पाचे काम पूर्ण होण्याचा कालावधी : 48 महिने
  (संकल्पन / पर्यावरणीय मंजुरीचा कालावधी 12 महिने + बांधकामाचा कालावधी 36 महिने)
• दोष दायित्व कालावधी : 24 महिने
• प्रकल्पाची किंमत : रु. 1847.72 कोटी