श्री. भूषण चौधरी
प्रमुख -  भाडे तत्वारील घरे विभाग / उपसंचालक नगर नियोजन

महाराष्ट्र शासनाच्या गृहनिर्माण धोरण 2007 च्या आधारे महाराष्ट्र शासनाने खाजगी क्षेत्राच्या सहभागातून भाडे तत्वावरील घरे योजना 2008 साली सुरु केली आहे व महाराष्ट्र शासनाने मुंबई महानगर प्रदेश विकास प्राधिकरणाची प्रकल्प अंमलबजावणी संस्था म्हणून नेमणुक केली आहे. शासनाने निर्गमित केलेल्या अधिसुचने अन्वये विकासकास अतिरिक्त 4 चटई क्षेत्र निर्देशांक देण्याबाबतची तरतुद असून (1 रेंटल घटक व 3 विक्रेय घटक) आणि त्याबदल्यात 160/320 चौ.फुट. तळपृष्ठ क्षेत्राची घरे तसेच 25% जमीन विकासकाकडून मोफत प्राप्त होते. सदर योजनेतून उपलब्ध होणा-या सदनिका पात्र व्यक्तींना वाटप करण्यात येतात. भाडे तत्वावरील घरे योजना नवी मुंबई व माथेरान नगरपालिका क्षेत्राव्यतिरिक्त मुंबई महानगर प्रदेशातील नागरीकरण क्षेत्रात सर्व ठिकाणी सन 2008 पासून मुं.म.प्र.वि.प्राधिकरणामार्फत राबविण्यात येते.